Merkataritza-arloa
Enpresen aholkularitza juridikoan eta defentsa judizialean aditua den abokatu-talde bat osatzen dugu, eta, zerga-esparruko adituekin batera, enpresaren eguneroko kudeaketan eragina izan dezaketen merkataritza-esparru guztietan orientatzen eta ordezkatzen ditugu. Sail honen barruan, honako zerbitzu profesional hauek dira nabarmentzekoak:
Sozietate-zuzenbidea
Eraketak, estatutu-aldaketak eta enpresen partaidetzarekin, sorrerarekin, desegitearekin, likidazioarekin, gatazka intersozialekin eta antzekoekin zerikusia duten estatutu-gaiak lantzen ditugu. Esparru honetan sartzen dira, halaber, enpresaren egitura aldatzeko behar diren eragiketa guztiak (kapitala zabaltzea eta urritzea, akzioen edo partaidetzen salerosketa, bat-egiteak, zatiketak, negozio-unitateen edo merkataritza-sozietateen salerosketa, etab.).
Konkurtso-zuzenbidea
Arlo honetan, gure abokatu adituek aholkularitza eskaintzen dute, bai konkurtso-prozedurara jotzea gomendatzen duten arrisku-egoerak hautemateko aurretizko aholkularitza, bai merkataritza-auzitegietan abiatutako prozeduran konkurtsoari berari buruzko aholkularitza, hala nola hartzekodunekin negoziatzeko, konkurtso-prozedura aurkezteko, kontabilitatea eramaten jarraitzeko, etab.
Jabetza intelektuala eta industriala
Esparru honetan, zure jabetza intelektuala eta industriala babesteko kontratuak egiten edo aldatzen lagunduko dizugu, bai eta haren titularrak edo hirugarrenek jabetza baliatzearen ondorioz sor daitezkeen gatazketan marka nazionalen eskaerak egiten eta defendatzen ere.
Esparru judiziala
Merkataritza-arloko epaitegietan, haien eskumeneko alderdi guztietan eta prozesuko fase guztietan lagunduko dizugu eta zure interesak defendatuko ditugu
Ba al duzu galderarik?
Galdetu zalantzarik izanez gero, eta lehenbailehen erantzungo dizugu.